Description
我哋全新研發嘅膏狀胭脂，一款專為香港氣候量身打造嘅彩妝。
成個地球都知，香港夏天又熱又濕，而家嘅高溫潮濕程度，就連非洲遊客都頂唔順。一出街十秒，成身大汗，底妝、胭脂秒速溶妝，係好多人化妝最大嘅煩惱。相對容易卡粉、溶妝嘅粉狀胭脂，我一直更偏好膏狀質地。但坊間大部份膏狀胭脂都有通病：難控制取粉份量，手一重就面色浮紅，直接毀晒成個妝容。所以今次我哋研發呢款膏狀胭脂，完美解決呢個痛點：操作極易上手，質感透薄自然，就算係零化妝新手都輕易駕馭；同時具備抗汗持妝力，就算運動出汗，胭脂都可以穩定留喺面上面，唔會溶妝。
我哋調製咗兩款百搭珊瑚底色調，絕大多數亞洲膚色都可以輕鬆駕馭！
✅ Coral Fizz：偏向溫暖橙調珊瑚色，適合偏黃、健康膚色。橙感較重，改善蠟黃效果最明顯，適合日常返工、夏天，陽光底下膚色顯得通透陽光感。
✅ Pink Lemonade：粉調珊瑚色，適合白皮、冷黃皮。粉調偏重，橙調偏淡，氣色溫柔清透，還原運動後天然白裡透紅嘅原生氣色，上臉帶自然高級光澤，搽完好顯氣質
點解亞洲膚色特別適合珊瑚調胭脂？
係因為東方人膚色大多屬黃調膚色，普遍偏暖黃底，膚色底色偏金黃。珊瑚色系底色帶橙調，當中混合少量粉紅，色調屬暖調中間色，可以改善面黃，提亮氣色，令膚色睇落通透有血色，不會顯得面黃暗沉。純粉紅胭脂偏冷調，黃皮直接上容易顯灰、顯蒼白，氣色反而憔悴。另外，亞洲人五官立體度相較歐洲人偏平。珊瑚色暖調層次柔和，掃上面頰可以製造自然立體感，輪廓更飽滿柔和，不會像大紅色胭脂過於搶眼，妝感太重。而且我哋呢兩隻色都特意加入了玫瑰金細微珠光（rose gold mica），珠光帶輕微金調，比銀白色閃粉更適合黃皮，不會顯臉灰。
後記：
原本粉紅嘅胭脂色唔係叫 Pink lemonade 的，但女兒最近自己寫咗首歌，仲同AI一齊合作填詞，佢唱完俾我聽後我覺得好好聽，亦都好有意思，而呢首歌嘅歌名就係叫 Pink Lemonade, 所以我就立即叫停印貼紙嘅程序，將個顏色名改成 Pink Lemonade 喇。可以這樣創作真好！
Reviews
There are no reviews yet.