Description
有時介紹客人用金盞花膏，都會收到「我用過其他牌子嘅金盞花喇，但好似無咩效」嘅回應，但我都會叫佢哋試埋我嗰個先再睇睇
因為唔同廠家/牌子，佢哋嘅配方都唔同，金盞花比例嘅高低對於產品嘅功效，都好大影響的。有時可能金盞花比例只係佔總成份嘅3-4%（甚至更少），但都會用「金盞花」去命名，原因係因為金盞花喺濕疹界嘅名氣夠大，只要佢個名一出現，就會有一班好想「被醫治」嘅人買嚟一試
嗱，我就唔清楚人哋嘅金盞花比例有幾高，但我就可以肯定我整嘅膏所含嘅金盞花係！好！高！?
小店每個金盞花膏都含有極高嘅金盞花油成份，而唔係坊間所添加嘅金盞花 extract。再者，小店用嘅金盞花油係法國廠家喺廠房度提煉的，入面所含嘅金盞花成份一定比自己屋企浸嘅高同穩定
而我哋嘅金盞花膏入面，另一應記一功嘅材料，就係黃金乳木果脂，佢呈現金黃色係因為西非當地婦女在提煉期間，加入了 Borututu 的樹幹和根部。Borututu 是西非獨有的樹，是當地已使用咗幾百年傳統的草本藥用植物，當地人用會用佢嚟做茶葉，治療疾病，也會用嚟舒緩皮膚炎症。金盞花油+黃色乳木果脂兩樣加埋一齊用，舒緩效果係更出色的
揀原料同買珠寶首飾一樣，原料產地、純度、內含物、甚至有冇有機認證嘅證書，都會影響到價格。而我呢，就係一個試過最好，唔會揀次好嘅人，所以能力範圍負擔到的話，我都會入最好嘅原料。呢個就係之前成日飛嚟飛去嘅其中一個原因（當然，主要原因係想食好西）
金盞花膏絕對絕對唔係有濕疹先要買的，因為佢嘅主要功效就係舒緩炎症反應，所以除咗用嚟搽輕微濕疹之外，皮膚輕微發炎、皮膚過敏、輕微割傷、抓傷、青春痘、石頭瘡、汗疹汗斑、口水疹、疤痕、BB胎毒、蚊咬止痕（應該仲有好多情況啱用，但我未諗到?）等等，通通都可以嘗試用金盞花膏
但有一點要緊記，金盞花膏唔係藥！金盞花膏唔係藥！金盞花膏唔係藥！
佢係一樣以草本植物為原料嘅產品，長遠咁用，皮膚大機會得到改善。如果想要立即消炎嘅效果，又或者皮膚本身發炎情況比較嚴重（例如有腫痛/出水/滲血），請記得立即要去求醫！
有時客人 send 相俾我睇，我都會好老實咁叫佢睇醫生，因為佢嘅情況唔係一般用草本膏就幫到手，而係要用藥，先消炎，之後先再用金盞花產品保養。唔係唔想賺錢，但我係想賺得心安理得，擺明幫唔到手嘅就唔會夾硬叫人買嚟試。所以我成日都自嘲「我自己嗰關真係難過」?
Reviews
There are no reviews yet.