Description
我哋全新研發嘅膏狀胭脂，可以話係一款專門為香港氣候量身打造嘅彩妝！
相信大家都感同身受，香港嘅夏天又熱又濕，有時熱到直情連非洲遊客都頂唔順。一出街無幾秒就成身大汗，最煩惱嘅一定係底妝同胭脂秒速溶掉。
比起容易卡粉或者溶妝嘅粉狀胭脂，作為配方師，我個人其實一直更偏好膏狀質地，因為佢上臉嗰種貼膚感係最自然嘅。不過，坊間好多膏狀胭脂都有個通病——就係好難控制取粉份量，一唔小心手重咗，塊臉就好似紅到一撻撻咁，直接毀咗成個妝。所以今次我哋研發呢款膏狀胭脂，就係為咗幫大家完美解決呢個痛點！佢嘅設計極易上手，質感好透薄自然，就算係化妝初學者都完全無難度。最重要嘅係，佢具備抗汗持妝力，就算做運動流汗，胭脂都依然乖乖留喺臉上，唔會溶妝。呢個胭脂配方非常溫和，絕對係敏感肌友好，就算日常長期使用，都完全唔怕傷皮膚。
我哋特意調製咗兩款超百搭嘅珊瑚底色調，絕大多數亞洲膚色都可以輕鬆駕馭！
🍀 Coral Fizz：偏向溫暖嘅橙調珊瑚色，非常適合偏黃或者健康膚色嘅朋友。佢嘅橙感會重少少，去黃、改善暗沉蠟黃嘅效果最明顯。平時日常返工、或者夏天出街，喺陽光底下睇，皮膚會顯得特別通透，散發住滿滿嘅陽光活力感。
🍀 Pink Lemonade：帶粉調嘅珊瑚色，白皮或者冷黃皮用就最靚。佢嘅粉調偏重、橙調淡淡地，點上面抹開係一種好溫柔清透嘅氣色，完美還原運動過後、嗰種由內而外自然透出嚟嘅白裡透紅感。上臉仲帶有高級嘅自然光澤，搽完真係好顯氣質！
點解我哋亞洲膚色，特別適合珊瑚調嘅胭脂？
其實因為我哋東方人嘅膚色大多偏向暖黃底，底色帶點金黃。珊瑚色系最妙嘅地方，就係佢喺橙調之中混合咗少少粉紅，屬於「暖調中間色」。比起純粉紅，珊瑚色可以好自然咁修飾面黃、提亮成個氣色，令塊臉睇落通透又有血色，唔會顯得暗沉。相反，如果黃皮直接用偏冷調嘅純粉紅胭脂，反而好容易顯灰、顯蒼白，望落去好似好憔悴咁。加上我哋亞洲人嘅五官通常冇歐洲人咁立體，而珊瑚色嘅暖調層次好柔和，輕輕點上面頰，就可以喺無形之中幫輪廓增添飽滿嘅立體感，又唔會好似大紅色胭脂咁太搶眼、妝感太重。
為咗令妝感更精緻，我哋仲喺呢兩隻色入面，特別加入咗玫瑰金細微珠光（rose gold mica）。呢種珠光帶有微微嘅金調，比起一般銀白色閃粉，更加襯得起我哋嘅黃皮膚，完全唔使擔心會顯臉灰。
幕後小插曲 📝
講起呢隻色，其實背後仲有一個小故事：
原本呢款偏粉嘅胭脂，一開始唔係叫 “Pink Lemonade” 㗎。但係早排我個女自己寫咗首歌，仲同 AI 一齊合作填詞。當佢唱俾我聽嗰陣，我真係覺得好聽得嚟又好有意思，而咁啱得咁橋，嗰首歌嘅歌名就係叫《Pink Lemonade》！我聽完真係太鍾意，二話不說就即刻叫停咗印刷貼紙嘅程序，臨時決定將呢個顏色名改做 “Pink Lemonade”。看著小朋友可以這樣自由創作，還可以將她的靈感融入我的產品之中，這份感覺真的奇妙又幸福！希望大家用呢兩款胭脂嘅時候，都可以感受到呢份溫暖同活力啦！
Reviews
There are no reviews yet.